“Rudàna..Rumàntica dì agn 60”del Davide Scrif Quaicoss :

“Rudàna ..Rumàntica”

La prìma pasegiàda.. insèma ala “mìa Bèla”
l’ho fàcia “dènt in Gùmber..sü ‘ndèla “Paserèla”!..
A traversà ‘l mè “Màler”..”su ‘ndè quèll “Pùntesèll”..
l’è stàcc segnà ‘l “Destìn”del Davide Rastèll” !
Adèss ghe pènsi  sü..”che l’è stàcc pròpi inscì”..
“Nasüt l’è na Famìglia..sü quèll “Pùntesèll” lì !..
Cèrt i era i “Agn sesànta”..l’era mìnga cùme ‘ncöö..
I giüvinòtt” Rumàntich”..i fàva “i “Bravi Fiöö”!
En “Tìmit”giùvinòtt insèma ala “murùsa”..
el fàva ..”mè ‘l pùdeva”prìma  de fàla.. “Spùsa”!
Quànt che ‘n “Basìn d’Amùr”..tì te vùrevet  fa..
te ‘l fàvet”de nascòst..dedrè ai càntùn  di  cà !..
Basìn..”mìnga rùbat”..”Veri Basin d’Amùr”..
se vùri mìnga crèdech..”ve ‘l Giüri  sùl mè Unùr”..
Ho “traversàt en pùnt..che ‘l m’ha “Tignùt a gàla”..
lìngèr ..sü ‘ndè ‘n “Tùrent”..mè ‘l vùl de nà Farfàla !..
De là dèl “Pùntesèll”..el ghèra ‘n “Senterìn”..
che ‘l fàva ‘n “ghiri gòri”..prìm de riva a “Musìn”!..
Musìn  l’è ‘n “Paesèll” ai pè de Valmalènch..
“per  Mì”lè sèmpri  Bèll..perchè ‘l m’ha  fàcc cùntènt”!
I “Nòni”..la “murùsa”la ghèra pròpi lì..
“Radìs..de Valtelìna”..cùmè che sò  anca Mì!..
Inscì  da qui “Radìs”..nasüt  l’è na “Famìglia”..
e  “travèrsà  quèll “Pùnt”..l’è stàcc “na Meravìglia”!..
Adèss ..”ghè ‘n Pùnt..che ‘l sfògia la sua “mùdernità”..
ma Mì ..la “Paserèla”..la sènti amò” Dundà”!..
Quèll “Pùntesèll  sùl Màler”…che ‘l Traghetàva i Gènt”..
pèr “Mì”..l’è stàcc “el Màsìm..de ‘l Inamùramènt !..

Davide Scrif Quaicoss